Regula Schmid
Ig schaffe sälbststendig im Hotel ALPENBLICK u darf mini Gescht mit Koscht us mire Chuchi verwöhne. Under em Motto Regula's RÖSTerIa gits e grossi Uswahl a RÖSTI.
Im Jodlerduett singe ig die erschti Stimm. Gugge das d Finanze stimme, u bi für allz organisatorische d' Ahsprächperson.
Näbem Singe tue ig sehr gärn kreativ Schaffe, sigs bim Gstalte vo Bilder oder als Chrüterhäx bim Produziere vo Salbene und igete Produkt.
Gino Qualizza
Huuptbrueflich bin ig Pensionär, u schaffe tueni no bir Jungfroubahn als Chundelenker. Ig tue mis "HUSMÄTTLI" als Feriehus vermiete u da bini als Huusherr, Gastgeber, Huusabwart, Putzfrou u Umgäbigsarbiter zuestendig
Im Jodlerduett Schiltbach singe ig die zweiti Stimm. Zu däm darf ig die musikalischi Leitig ha.
Näbscht em Singe bi ig o ging i de Bärge oder ufem Töff azträffe. Ned sälte findet mä mig o im Garte.
Christian Abbühl
Gimmelwalddiitsch:
«I bin jetz o Pensionär. Näbezuehi bini no im Sekretariat von den INFERNO-Sommer-Anlässen tätig.
Im Jodlerquartett Schiltbach darf i d’Akkordeonbegleitig ubernähn.
I mir Freizeit trifft mu mi in den Bärgen bin verschiedenen Hobbys an.
Drnäben spielen i mid mynere Musigunterhaltigsformation «Gletscherschären» flyssig öffentlich uf.»
Originaltext von Chrigel uf Gimmelwalddütsch